Jæja þá kemst maður inn á bloggið sitt !  Það er svo sem búið að vera nóg að gera, ég skrapp til Rvk. um daginn og þá var nú ein vika fokin út í veður og vind.  Það er nú fljótt að telja í desember þegar ein vika dettur út.  Svo fórum við Helga til Ak. á fimmtudag til að kaupa jólatré og klára ýmsar redderingar; akkúrat þennan dag þá var hún Ársís min veik í fyrsta skiptið frá því að hún byrjaði að vinna hjá mér í júní, mikið hraustmenni stelpuskjátan   Ég hringdi í Júlla rétt fyri kl. 10 til að biðja hann að fara í búðin fyrir hádegið, jú jú kall vaknaði og leitaði að bíllyklunum sínum í 10 mín. áður en hann fattaði það að ég var á bílnum hans, sem er á nagladekkjum en ekki minn.  Svo fór ég til Þórshafnar á föstudeginum til að ná í Gyðu Ósk svo núna hef ég öll börnin mín hjá mér sem er voða notalegt.  En ég er sem sagt búin að fá nóg af ferðalögum þessa dagana

Þá er nú litla barnið mitt orðin 15 ára, ég þurfti að gjöra svo vel að fara á fætur fyrir kl. 7,30 til að gera vöfflur, hita kakó, þeyta rjóma og gera glassúr sem er víst orðið ómissandi með vöfflunum.  Svo komu Obba, Dagný, Birna og Þorgeir Harðar í morgunmat.  Mjög pent í þetta skiptið, vön því að það mæti miklu fleiri, eldri vinirnir eru nefnilega allir farnir í framhaldsskóla
Það var jólahlaðborð á hótelinu um helgina og ég lét mig ekki vanta, maturinn var algjör snilld, kemur reyndar ekki á óvart og svo var ball á eftir, þetta var mjög fínt alltsaman.+

Ótrúlegt nokk þá eru bara enn mánaðarmótin að baki, sem þýðir afmæli hjá Helgu Bergs.  Hún er algjört afmælisbarn og er farin að telja dagana 3. mánuðum fyrr.  Það þýðir víst að ég þarf að vakna snemma og baka vöfflur fyrir heilan her af krökkum   ég er ekki hrifin af því að vakna á morgnana, en ég gerði þetta fyrir nokkrum árum og þessi gjörningur verður nú ekki aftur tekinn .  Ég byrjað á því að setja upp seríur um helgina í stofunni og jólagardínurnar eru komnar í eldhúsgluggann ásamt seríum, það þarf allt að vera komið í viðunandi horf fyrir afmælið. 
Annars er ekki kreppa hjá mér, ég var að borga mötuneytið fyrir Helgu á mánudaginn, hringir ekki Hann Dögg skólastjóri í mig og þakkar mér fyrir rausnarskapinn, þá hafði ég bætt einu núlli við svo ég var að borga 35þús kall en ekki 3500 fyrir þrjár vikur, geri nú aðrir betur.
Annars er maður komin á fésið svokallað, Birna systir skellti mér inn og þetta var nú dálítill tímaþjófur til að byrja með, svo þurfti ég að hringja í Gyðu Ósk, eða hún í mig, þá var ég búin að gera e-ja vitleysu og hún bjargaði móður sinni.  Svo ef þið haldið að ég hafi sett myndina af þeim systrum í Feneyjum í albúm þar...reginmisskilningur Gyða Ósk sá um þann gjörninginn.

Ég stal þessu frá henni Öldu Borgars
 
Þegar piparúðinn notast
> lítill löggumaður tekur:
> Fyrst af öllu piparúðann
> og hann ýtir fast á staut.
> Þá má heyra ýmsa æpa,
> aðrir hvítna eins og næpa.
> Sumir nudda æstir augun,
> æða grátandi á braut.
>
> Þegar öllu þessu er lokið
> lítill löggumaður segir:
> Þetta er ansi góður úði,
> allt er hyskið farið brott.
> Inni í klefa á ég bjána,
> einn með gulan bónusfána
> Og með svona piparúða
> gengur police-vinnan flott.